روح النبـي الأميـن لبيـك ياحسيـن
بس الشعائر تحله الك لبيك ياحسيـن
***
من المهـد يابن الوصـي حبّينـاك
يا روحنـه وريع الگلب ما ننسـاك
والروح أبد ما تحيـه الاّ ابـذكراك
للموت نهتف ياحسين احنه اوياك
والكون الك يصيـح يحسين يا ذبيـح
روح الوصي فارس مُظـر لبيك ياحسيـن
***
حُبك سـره بدمانه منهـو ايفُصلـه
ويّـاك يحسيـن العشـگ منمـلـه
غيـرك يبو الاكبـر عِشِـگنـه ذلّـه
لولاك أبد طعـم العشـگ مايحلـه
يحسيـن ياشهيـد غيـرك فلا نريـد
بس إنته اميـر اگلوبنـه لبيك ياحسيـن
***
حُبك سـره ابدمّـي يعـايش بالـروح
گلبي الك يبن الوصـي ضل مذبـوح
يـا وارث ابـراهيـم يـا وارث نـوح
حبـك تمـلك عمـري أبـداً ميـروح
يـا وارث الرسـول يالجنّنت عقـول
حُبك تملّك مهجتـي لبيك ياحسيـن
***
جننّه حُبـك يبـو الاكبـر يحسيـن
إنتـه حبيب اگلوبنـه ونـور العيـن
منعوف حبك وحگ سيد الكونيـن
بدمانه ويه الزهـره كلنـه اموقعيـن
واحنه بدم النحـر نترك عالگاع أثـر
فوگ التُرب دمنه كتب لبيك ياحسيـن
***
يحسين إنته الشـرف وإنتـه الغايـه
بس الك يابو اليمـه تحلـه الـرايـه
انطينـه عهـد للزهـره الك عنـايـه
وإنـادي كلـنـه يـاعلـي وفـايـه
وحسين ايضل اميـر مولا ونِعم النصيـر
إنته اميـري والنِـعِـم لبيك ياحسيـن
***
يالرايـد الجـنـه تشـم ريحتهــا
الجنـه احـچيـلك أنـه قصـتهـا
الجنه صحن حسين كل خطوتهـا
جنـة عَـدن في كـربلـه عتبتهـا
لبينـه هالنـداء الجنـه كـربـلاء
ونادت ملائكـة السمـه لبيك ياحسيـن
***
بقلمي
علي الكعبي
