اخــر كلامــي الـــــك

بت اخــــذ مــن الكلب == واصنــــــع وتـــر للعود
والريشــــه اخذ الضلع == واعـزف لحن منشود

يابو العيون السود

رايـــد اسمعـــك شعـــر == مقفـــــى وحديــــــث ونثــــر
بيه اسطر احلى الحجي == تبطــل عيوني البجي

وترحل ليالي السود

عن شخصك اشما كلت == وبروحي الك صورت
اجمـــل حديــث وصور == وبمايــــه يجــري النهــــر

وايصير الك صيهود

صــح انــت كلـــك فهم == شعــر وبلاغة وعلم
طاكيــــن تدري الرحي == بيناتهـــــن انمحـــي

واصبح فلا موجود

منـــذور عمــــري الك == اسنيــــن وتنطــــرك
شايـــخ عليــا الطفـل == بلحظـــه اذل وانذهل

واصبح شبيه العود

حطيتك اعلـــه الرمش == بيدي سكيته الهرش
يحمـــل ثمــــر انتظــر == ردت انـــه بــــــي افتخر


واتناوش العنكود

قلبي اخذ الوتر

مللـــت حتـــى الصبـر == كلـــت بتوالـي العمر
هلبـــت يخضــــر ورد == وبـــي اجــــي انسعــد

واشتم عطر الورود

بس تدري وكتي ردي == الهمــوم بيــه تحدي
دمرنـــي هـــذا الزمن == وسنينــي اتبعثـــــــــرن

بيده وصفن فرهود

تفطــر دليلــــي وخوه == وسباح كلبـــي التــــوه
والظهـــر منـي انحنه == ودك عالضلع ميجنه

وسموني انا المكرود

قلبي اخذ الوتر

يمك يولفـــي اعثرت == بيك انتخيت وصحت
معشــوقي مروتـــــك == اهـــل العشك صحبتـك

لزم الغير حدود

العشـــك يعني النعـــــم ==بس انه عشكي نقم
تدري انت يا صاحبي == بحر الحمــل مركبي

وانته الغنه المقصود

قلبي اخذ الوتر

يوليفــي انــت شمس == وانت الامـــل للنفس
يمتــه ويطــــر الفجر == ويلمع يكــــوم الشذر

ياولفي المنشود

اخــر كلامــي الـــــك == بالعشــــك اتوسلــــك
ادري انت قمه وجبل == ومعقـود بيــــك الامل

يابو الفخر والزود

بس كـــون تبقى نبه == ومــن هالبشــر تنتبه
بلحظــه ويبيعــك تــــرا == وترجــــــع تــــرد ليورا

والراح ابد ميعود