ألك وصفة

سيره وذكريات

ماانصف زماني وياي
وفرح دنياي صار الهم
كظيت العمر حيران
ادك بايدي الصبر والهم
خبر موثوق من نسمع
عِبرْ تاخذ وتتعلم
فقير بهل الزمن مسحوك
من أذى الوادم فلا يسلم
وي الحايط مشيته أتصير
ميردون اذا سلم






طرقت لأجل العمل كل باب
الم فلوس وتنعم
طلعت تالي العمر خسران
عالراده فلا ترهم
صرت صياد للطاير
غداي وبالعشه شلغم
اصيد بني حفنه سنين
بالزوريه اتحلم
حتى احلامي حزنانات
افز من حلمي وأتألم
خضت بحر القوافي بخير
كلت اكتب شعر ونظم
الشعر لأهل الشعر مكسب
تشوفه بكل وكت منجم




ومثل مكيول مو سمسم
أذا مو بالحلك تلهم
وأشوف المترف البطران
يمشي بحيله يترنم
وأنه اركض شتاي وصيف
بحبل الليف متحزم
أكل باليعجبك وألبس
أليرضي الناس وتهندم
واني ملبسي البالات
عني شماله يتهزم




مريض وعلى فراش الموت
مرض قاسي فلا يرحم
مطلوب ولفه الديان
أحس بجدامه تتقدم
يسئل جاري عن الحال
عن اخباري يتشمشم




أطلبه فلوس خاف يموت
أداعيه وأرد أسلم
يدك بيده بعنف عالباب
يعظ بشفته ويدمدم
تريد ألدين هذا اليوم
ألك وصفة دواي الزم