عمت عين الوكت مايرضه بالزينين
كلما تنطي خير تلاكي شره
صديجك بالمصالح يوكف عللباب
ولكن من تريده شوف ضهره
الو وينك اريدك والله معتاز
اسخف من جوابه شوف عذره
يكلك والله مثلك انه هم معتاز
يصير بعازه بس تعتازه مره
نصيحه لكل اخوتي خصه بالصعبات
ترى المو كد كدرته لا يدك صدره
الاخو بالشده عندك مثل الحزام
يشد روج المدامع لو جره بحره
اخذ طبع الشجر وي اليحبك دوم
اذا تشبع جذر هم تشبع الشجره
لون بيده الاخو يدفني جوه تراب
عدل ويحطني جوه تراب بي حفره
وحده المشكله هيه الاخو جذاب
بس كلبنه طيب وما ناخذ العبره
انه بضهري اثر طعنات مكتول
لون تطعن جبل هم ينكسر ضهره
جنت بالنخوه صوتي ونين وياه
بحيث انه بصرختي لانت الصخره
انه حركتني نارك وانت بيدك ماي
واحرمصلك ولك مو ناري متوجره
درت وجهك عليه وشافتك هالنار
انكسر خاطره رئسن طفت الجمره
واسألك عن طعنتك شو تشل بالكاع
ابين مو جديد على الغدر خبره
عليك الزهره جم واحد غدرته وطاح
احلفك بالعزيزه كلي مو عشره
