افضحني بعد خاف اني ما مفضوح
كلهم رادني بس اني ما ردته
تانيني شوكت ما افوت كلهم ذاك
كسرت بخاطرة ومن راح ما صحته
حقك تفتخر ذليت واحد جان
ذرات الهوا البالماي عاشكته
عاف الماي راح يدور بصحراء
يعطش كام يشرب من ماي كصته
الباب اليجي منة الريح الغي
بس شميت ريحتك الباب عفته
بس كلي وين تريد روح وياك
اذا حب طرف واحد سهله سالفته
المصيوب ما يكضي العمر مصيوب
يقبل بالكبر لو تندفن ونته
وانة اقبل لو تجي تكلي بين الناس
ما حركت ساكن بالحجي الكلته
بس المضموم ابد ما مفهوم
بعيونك قريته بس ما استوعبته
من تلكاني واكف توكف بمكفاي
تتراهن علي لو راسي ما درته
يتفاوت صدودك بين يوم ويوم
مره اتصير انت ومرة مو انت
يا كاس الندم كاسرتك بعمرين
عمر وعمر الثاني وياك ضيعته
شربتك واعترف بالنشوة ما مفروض
ما اكولك بطعمك بيش كاسرته
