السارق والعجوز

فد يوم حرامي دخل لبيت حتى يبوگ مالگه أحد بالطابق الارضي بس مره عجوز نايمه بالهول هو يمشي على اطراف اصابعه حتى العجوز متگعد من النوم..
فجأه گعدت العجوز وشافته , هو توقع راح تصيح بس العجوز گالتله: يمة شنو إنت حرامي وتريد تبوگ؟؟
گاللها:إي حجيه اعذريني بس راح اطلع واتوب..
گالتله:لالا يمه انت العوز جبرك تبوگ تعال هاك هذا محبس ذهب وهاي گلاده مال امي الله يرحمها هم ذهب اخذها انت الظاهر ابن اوادم..بس عندي شرط..
گال الحرامي:شنو الشرط؟؟
گالت العجوز:اني من چنت نايمه حلمت حلم واريدك تفسره تعرف؟
گال:صدگ چذب حجيه اني خمسطعش سنة اشتغل بتفسير الاحلام , احجيلي الحلم اني اعرف افسر..
گالتله:حلمت اللهم أجعله خير اني دأتمشى على النهر فجأه زلگت رجليه ووگعت بالمي وگمت أصيح ولك جبااااااااااار الحگلي جبااااااااااار بصوت عالي ..چان ينزل ابنها جبار من فوگ ولزم الحرامي مدده وگام يضرب بي شبعه كتل گالتله العجوز كافي يمه ليموت بيدك خلي يولي..
الحرامي گال:لاولك جبار اضرب بعد حتى ابطل ما اشتغل بتفسير الاحلام بعد ..