حذفتك مـن على البال

راح انسه بكثر مـاجنت هايــــم بيك
واحرك ذكرياتك من على بـــــــــالي

اثاري تحب غيري واني مـــــــخدوع
مبين لـــو حجيت ويــــــــــاي تتعالي

تسميها الحبيبه وعــندك الــــــــقاب
وتتغازل ويـــــــاها كبال عــــــــذالي

كلبي نباك مني بــــعز نهار جــــفاك
ونجوم الخيانــــه بشمسك تلالــــي

اختاريتك محب يلماعــــرفت الشوك
بغيومك السوده تدفـــــــن هلالــــي

زرعــــــت الروح ورد انه اعالممشاك
رجعت وبلخيانه مــترسه سلالــــي

تظل مشكول ذمـــــه ليوم الحساب
يالسيفك ذبحني وانته جتالـــــــــي

سميتك عذيبي وقشمرت عـــالروح
طلع شرجي وغثيث وعذب احوالي

ثق بالله حذفتك مــــــــــن على البال
وفرمتك بعد مـــــــــــــاتخطر ابـــالي

لمت كلبي شكثر جي ماعرف يختار
والغلطه الجبيره الكتلك الغالــــــــي

طلعت مو بالف طلعت بــدمع العـين
ثكل مرضي ثمنها وحيلي هـــدالي