لو ناسي اذكرك يفلان

متاكده مـــنك ماتحــــــب
مـــومن صدك حبك جـذب
هاوي عـــرفتك بـس لعب
ترسم جروح وفنان

مـاتعرف انت اصل العشك
وبناره ابــــد مـــــا محترك
وبـالشوك ماظن مـــختنك
بعبراته تشتم دخان

حبــــك طلع كلـــــه وهـم
مـاشفت منك بـــس الـم
مـاريد اسمعــك اوافتـهم
جذاب بس حجي السان

ويــاك ابــــــــد مــاقصرت
والــعهد انــت البي خنت
شاريك وانت الــي بـــعت
صدكني انه الربحان

اسمك شطبته من الفكر
ويـــاي مـــــــــاظلك ذكر
براحه اريــد اكضي العمر
للفرح افتح بيبان

مايـك تصورتــه عــــــذب
عـــــلكم طلع ماينشرب
مــــايرتوي مـــنه الكلب
رديت منك عطشان

السويته بــيه مــــوسهل
ماقصرت كـــــول وفــــعل
هــم كول حجيك موعدل
لو ناسي اذكرك يفلان