بعت العمر ساعه غضب وكلت اشتري جرحي النزف بس للاسف يطلع خزف ما واحد بحاله عرف كلها تجيني تشتري وكلها كالتلي بسعر وما واحد الجاني بشغف بس كلها تسال عالجرح شنو الجرح وليش آنه ضمدته بملح ورشيت فوكه جف هظم وشويه طعمته بحزن تدرون ليش انه اعترف جي جرح المفارك صلف وجي دمعتي تنزل قهر من يوم فاركت الولف والضغط عندي مختلف من الالم اسهر للصبح والكلب بهمومه يخذف
يوم باعك قلب وانت بحزن
من يوم باعك ياكلب وانه بحزن ومن يوم باعك يا كلب ضليت اون ومن يوم عافك بالمحطات ورحل وسمعتك تصيح بقهر راح انسحن بس ما رجع ولا همه كل ذاك الالم خلاك وراح بسجن لا يا كلب ما واحد بنية صدك رايد يحن كل الاحبهم سافروا واحد عشك غيري ومشه وحجرلي دمعات الجفن وواحد غرز سجينه عميه ويالضلع ويكول ما اريدك تحن وتريد احن لا ياكلب لساعة جرحي مخزن وينزف دمه وعيوني من كثر السهر والله صايبها العمه ومشرغد انت بنومتك مبروك نوم العافيه واحظن حبيبك للصبح بذيج الاحضان الدافيه مو انه بس انت خسرت من رحت عني وبعدت بس للاسف ما جنت اظن
يوم باعك قلب وانت بحزن ما اريد ابد للحب ارد جي لن محطات السفر ما ضنتي بيها انسعد بطلت ادور عالبلم هسه انه رايدلي كعد اليسالني عنك كل وكت وين الولف بس كلي انت شراح ارد ومنهو الحمل خنجر غدر وبيده يذبح بالورد وتكلي رد مو انت التحط خنجرك وسط الضلع وتكول ابد ما ينشلع الذيب ارحم والحسن ماعنده مثلك هالطبع ماشفت ذيب بخنجره يحز الورد وتريد ارد لا ما ارد
اسامه العراقي المدير العام
. : عدد المساهمات : 1525 نقاط : 2942 السٌّمعَة : 15 العمر : 33
