ماناسيك انه ولانكرة أهواك
لكن مبتعد من صالحك اني
ماريد ان اكون سبب تعبك دوم
وما اريدك تظل حزين وتعاني
لو كلفت حتى تكرهـ اسمي بيوم
وبعيونك اصيرن مجرم وجاني
لأن ما اريد يوم الكَاك مهموم
ولا اقبل تضل موجوع وتاني
راح ابتعد عنك مو لان انساك
شينسي الكَلب يالـ صرت عنواني
تدريني أحبك ومدمن انا عليك
وانت اغلى الحبايب واغلى خلاني
اغله من الكَرايب واغله هاي الناس
وانا بعدك حبيبي امسيت وحداني ~
راح ابتعد وتعمى العين من فركَاك
أخاف تحب بعدكم تشهد أجفاني
وحكَ عينك عزيزه دموع هاي العين
ولو تدري القرار اشكثر أذاني
وما ابجي جذب بفراكَ كلمن جان ~
بس بُعدك حبيبي دموم بجاني
مثل بيت وبعادك هدلي الاركان
شلع ساسي شَلع مارحم حيطاني
وأخاف تمر عليك جنازتي بفد يوم
اريدك ياحبيبي تصير دفاني ~
وأكتب فوكَ كَبري بدمع من العين
ماعاشر حبيبي وخاني بثاني~
