محسوبة من العمر
كل ليلة نگضيها
ومحسوبة من الدرب
كل خطوة نمشيها
أيّامنا الي تمر
رحلة بقطار العمر
سَفرة بمرابع خضر
شتريد سمّيها
لو نوگف بنص درب
الدنيا تبقى تدور
المي صعد للجرف
والفخر للناعور
دوّر صديق الوفي
وامشي بدرب بيه نور
وعينك على صاحبك
يغفى وتظل ناطور
يا الماشي بهالدرب
وأنت اعله ناسك ضيف
ينراد معشر حلو
لمة أحباب وكيف
ولو شفت برد الشتا
ولسعة ظَهاري الصيف
صبرك وهي تنجلي
وتصير ذكرى وطيف
أيّامنا الي تمر
رحلة بقطار العمر
نزهة بمرابع خضر
شتريد سمّيها
( كاظم إسماعيل الگاطع )
