أخذ وياك عمري

تالي الليل روحي تصير مرجوحه

تهز كلبي لأن مايغفن جروحه

حته النفس يعثر من يمر طاريك

أحس الريه فوكه أتطيح وتلوحه

كلشي يختلف بيه من أفكر بيك

احس ذاكرتي تصبح ورقه ممسوحه

معقوله أحبك أدري يعني ايصير

ماي يحب سراب ويكفر بروحه

معقوله أحبك أدري يعني يصير

سر بدمعه أظمه وهيه مفضوحه

سميتك حبيبي وموطني تسميت

وكل زله تصير وياك مسموحه

يا أول وطن ماعنده وصله كاع

موبس كاع مابيها ذره ملوحه

أخذ وياك عمري وردلي بس يومين

مابيهن هواك وذله جروحه